Buch der Natur

V. VON DEN KRÄUTERN

IN AINER GEMAIN.

___________________________________________________

75.

Von der stainprech.

Saxifraga haizt stainprech. daz ist ain klainez kräutel und wehset gern an santigen steten und ist an kraft haiz und trucken. wenn man des krautes wurzel nimt in wein, sô pricht si den stain in der plâtern. diu wurzel ist auch für der lenden smerzen guot, oder wer der wurzeln pulver in ainem waichen ai in sich säuft, daz ist auch dâ für guot.