Buch der Natur

V. VON DEN KRÄUTERN

IN AINER GEMAIN.

___________________________________________________

72.

Von dem gaizvenichel.

Siler montanum haizt gaizvenichel. daz kraut ist gestalt sam der reht venichel, ân daz sein sâm grœzer ist wan des rehten venichls sâm, aber ez hât nâhent die selben aigenchait und die art, die der reht venichl hât. daz kraut ist an kraft haiz und trucken, und sprechent etleich, wenn die gaiz unkäuschen wellen und etleich andreu tier, sô ezzen si des krauts und werden zehant swanger. alsô spricht Alexander der arzt.