Buch der Natur

III. HIR HEBT AN DAZ DRITT

STÜCK DES PUOCHS

VON DEN TIERN

IN AINER GEMAIN

E. VON DEN SLANGEN.

___________________________________________________

8.

Von der cenker.

Cencris haizt ain cenker. diu slang ist unpiegleich, wan si ist sô stärr, daz si sich niht gepiegen mag, sam Isidorus spricht. diu slang macht allzeit den rehten weg, alsô daz si niht peiwegig ist. dâ von spricht Lucânus: diu cenker sleift allzeit an dem rehten steig. aber centipeda haizt ain hundertfüezel, dar umb, daz diu selb slang gar vil füez hât, sam Isidorus spricht.