Buch der Natur

III. HIR HEBT AN DAZ DRITT

STÜCK DES PUOCHS

VON DEN TIERN

IN AINER GEMAIN

D. VON DEN VISCHEN.

___________________________________________________

29.

Von der merslangen.

Vipera marina haizt ain merslang. daz ist ain mervisch, der ist zeitleich klain, wan er ist wênig mêrer denne ains elnpogen lang. er tregt an dem haupt ob den augen ain spitzigz horn, daz ist klain und vergiftig unz in den tôt. welichen menschen er verwunt mit dem horn, den vergift er unz in den tôt, und daz behüetent die vischær. wan sô si in gevangen habent, sô enköpfent si in, und daz ander tail nützent die menschen, wan ez ist gar guot ze ezzen.