Buch der Natur

II. Von den himeln und

von den siben planêten.

___________________________________________________

6.

Von dem kaufherren.

Der sehst planêt ist ze latein gehaizen Mercurius, daz ist ze däutsch der kaufherre oder der kaufleut herre, dar umb, daz sein kint, die er macht in der muoter leib, wol gespræch sint, wann wolgespræchikait gehœrt die kaufläut an. er haizt auch in kriechisch stilb?n, daz ist ze däutsch guot tröpfel, dar umb, daz er guot genâd geuzet und eintropft den kinden, der herr er ist. der stern volpringt seinen lauf in drein­hundert tagen und in sehsunddreizig tagen oder vil nâhen dâ pei. ez sprechent auch etleich, daz er gelück hab ze geben auf kaufman­schaft.