Buch der Natur

I. Von dem Menschen

in seiner gemainen Natur.

___________________________________________________

49.

Von den zaichen der natürleichen siten.

gg. Von den maiden.

Ain maiden oder ain cappaun (daz ist ain man, der seinr gezeuglein niht hât) der ist pœser siten, wan er ist tôrocht und geitich und übernemend, alsô daz er sich mêr ding underwint wann er volmag. der aber niht gemaident ist mit kunst und doch geborn ist ân gezeuglein oder der gar klain gezeuglein hât, der ist ainem cappaun geleich und wehset im nümmer kain part. sô ist er der pœst under derlai leuten.