Sprüche

___________________________________________________

40.

Cod. Pal. germ. 848, 421v

Universitätsbibliothek Heidelberg

Diu triuwe ist ein diu beste tugent,

sagent uns die meister wis,

ir hoher pris

der werlte wol an stat;

5

Si tiuret alter unde jugent,

man unde mannes lip,

magt unde wip,

unt hazzet valschen rat;

Si pruevet sueze tat,

10

diu triuwe ist wol ein kleid der eren,

diu triuwe kan wol saelde meren,

diu triuwe ist hie unt dort

der hohste hort:

wol im, swer triuwe hat!