Sprüche

___________________________________________________

22.

Cod. Pal. germ. 848, 420r

Universitätsbibliothek Heidelberg

Diu vledermus dunket ein vogel, swen si vliuget;

den esel meldet sin(tu) stimme, valscher wan der triuget,

der vuhs ist kündic unt kan mangen list;

der wolf hat die nature an sich: nach roube er strebet,

5

sin jungen blibent vruhtelos, diewile ir muoter lebet,

natern er treit, swanne er niunjaerig ist.

zisel unt polmiuse die sint miuse genoz, der schalk hat schalke sitte,

der tuo, swaz er welle, er lose, er smeiche, oder er ge in pfawen tritte,

so muoz er smaheit liden z' allen stunden,

10

alsam der valsche vogel tuot unt der vuhs vor den hunden:

esel unde wolf zinsent, wizze Krist.