Sprüche

___________________________________________________

10.

Cod. Pal. germ. 848, 419r

Universitätsbibliothek Heidelberg

Des hohen, starken, grozen wunderaeres kraft,

der da von nihte gar geschuof al die geschaft,

und der an sich nam werdes menschen bilde,

geburt, besnidunge unt den ie mer wernden touf;

5

unt der sich lie verkoufen sines todes kouf,

des wunderwerk sint manigiu wunder wilde:

der sinem vater ist her und eben

und an daz vrone kriuze wart gezwikket,

des gotheit ist in ein geweben,

10

unt doh in drilich gevlohten unt gestrikket,

des sezzel ist der himel dort,

unt hie diu erde siner vueze schamel,

des kunft in zorne wirt gehort,

und in dem munde sin ein viurik lamel,

15

der sich in einer reiner megede wamben kunde winden,

der laze sich mit ir ouch gar

der engel schar

ze staeter huote hie bi uns unt dort an' ende vinden.