Sprüche

___________________________________________________

1.

Cod. Pal. germ. 848, 418v

Universitätsbibliothek Heidelberg

Ob al der werlte gar gewaltik waere ein man,

und ob sin sin durch sinne, daz nie sin durch san,

und ob er wunder waere über elliu wunder;

ob in gelükke truege unz an der himel steln,

5

und ob er künde prueven, wizzen unde zeln

des meres griez, die sternen gar besunder;

ob sin kraft eine tusent risen

manliche möchte ervellen unde twingen

ob hohe berge und velse risen

10

dur sin gebot, und ob er möhte bringen

swaz wazzer, luft, viur, erde [weben],

swaz wont von grunde unz an den tron der sunnen,

ob im ze rehter e gegeben

nach wunsche waer ein wip in eren wunnen,

15

kiusche unde reine, wol gezogen, der schoen' ein übergulde,

und ob er mit ir solde gar

leben tusent jar:

waz waere ez danne, und ob er niht erwurbe Gotes hulde?