Zweite Würzburger Markbeschreibung

vor 790

Textgrundlage:

Althochdeutsche Literatur

Herausgegeben, übersetzt

und mit Anmerkungen versehen

von Horst Dieter Schlosser

Frankfurt am Main 1970, S. 302

_______________________________________________________________________

Marchia ad Uuirziburg. In Rabanesbrunnon, nidarun halba Uuirziburg, ostarun halba Moines, danan in Anutseo, danan in Blidheresbrunnon, danan in Habuchotal, danan in daz steinina houc, danan in den diotuueg, in die huruuinun struot, diu dar heizzit Giggimada, danan in Pleihaha in den steininon furt, danan ûffan Grimberg in daz Grimen sol, danan in Quirnaha ze demo Geruuines rode, danan ûffan Quirnberg ze dero haganinun huliu, danan in den ostaron egalseo, dar der spirboum stuont, danan in Stacchenhoug, danan in Uuolfgruoba, danan duruh den Fredthantes uuingarton mittan in die egga, sosa diu Rabanes buohha stuont, oba Heitingesueld in mittan Moin in die niderostun urslaht furtes, in mitten Moin unzen den brunnon, so dar uuesterun halba Moines, ûf in Brunniberg, in Druhiriod, in Druhiclingon, in Moruhhesstafful, danan in Brezelunseo, danan in den diotuueg, danan in Eburesberg, danan in Tiufingestal ze demo seuuiu, danan in Huohhobura, danan in Ezzilenbuohhun, dar in daz houc in dero heride, in Gozoluesbah, danan in mitten Moin, auur in Rabanesbrunnon:

So sagant, daz so si Uuirziburgo marcha unte Heitingesveldono unte quedent, daz in dero marchu si ieguuedar, ióh chirihsahha sancti Kilianes ióh frono ióh friero Franchono erbi.

Diz sageta Marcuuart, Nanduuin, Helitberaht, Fredthant, Heio, Unuuan, Fridurih, Reginberaht, Ortuuin, Gozuuin, Iuto, Liutberaht, Bazo, Berahtolf, Ruotberaht, Sigfrid, Reginuuart, Folcberaht. –

__________

Die Zweite Würzburger Markbeschreibung ist als spätere Abschrift in einem Würzburger Evange-lienkodex des 9. Jahrhunderts überliefert (Würzburg, Universitätsbibliothek, Signatur: Mp. th. f. 66).