A r g u m e n t.

_______________

     Jupiter faisoit un grand festin, ou estoit commandé à tous les Dieus se trouver. Amour et Folie arrivent en mesme instant sur la porte du Palais: laquelle estant jà fermee, et n'ayant que le guichet ouvert, Folie voyant Amour ja prest à mettre un pied dedens, s'avance et passe la premiere. Amour se voyant poussé, entre en colere: Folie soutient lui apartenir de passer devant. lls entrent en dispute sur leurs puissances, dinitez et preseances. Amour ne la pouvant veincre de paroles, met la main à son arc, et lui lasche une flesche, mais en vain: pource que Folie soudain se rend invisible: et se voulant venger, ôte les yeux à Amour. Et pour couvrir le lieu ou ils estoient, lui mit un bandeau, fait de tel artifice, qu'impossible est lui ôter. Venus se pleint de Folie, Jupiter veut entendre leur diferent. Apolon et Mercure debatent le droit de l'une et l'autre partie. Jupiter les ayant longuement ouiz, en demande l'opinion aus Dieus puis prononce sa sentence.

Les personnes

     FOLIE
     AMOUR
     VENUS
     JUPITER
     APOLON
     MERCURE