François Villon
1431 - vers 1470
Débat du cuer et du corps de Villon
1461
Texte:François Villon, OeuvresÉdition critique avec notices et glossairepar Louis Thuasne, Paris: Auguste Picard 1923Fac-similé: Internet Archive
|
|
|
__________________________________________________________________________________
|
|
Débat du cuer et du corps de Villon
Qu'est ce que j'oy?– Ce suis je.– Qui?– Ton cuer,Qui ne tient mais qu'a ung petit filet:Force n'ay plus, substance ne liqueur,Quant je te voy retraict ainsi seulet, | |
5 | Com povre chien tapy en reculet.– Pour quoy est ce?– Pour ta folle plaisance.– Que t'en chaut il?– J'en ay la desplaisance.– Laisse m'en paix!– Pour quoy?– J'y penseray.– Quant sera ce?– Quant seray hors d'enfance. |
10 | – Plus ne t'en dis.– Et je m'en passeray.
– Que penses tu?– Estre homme de valeur.– Tu as trente ans.– C'est l'aage d'un mulet:– Est ce enfance?– Nennil.– C'est donc foleur– Qui te saisist?– Par ou?– Par le collet? |
15 | – Rien ne congnois.– Si fais.– Quoy?– Mouche en let;– L'ung est blanc, noir l'autre, c'est la distance.– Est ce donc tout?– Que veulx tu que je tance?– Se n'est assez, je recommenceray.– Tu es perdu!– J'y mettray resistance. |
20 | – Plus ne t'en dis.– Et je m'en passeray.
– J'en ay le dueil; toy, le mal et douleur.Se feusses ung povre ydiot et folet,Encore eusses de t'excuser couleur;Si n'as tu soing, tout t'est ung, bel ou let. |
25 | Ou la teste as plus dure qu'ung jalet,Ou mieulx te plaist qu'onneur ceste meschance!Que respondras a ceste conséquence?– J'en seray hors quant je trespasseray.– Dieu, quel confort! Quelle sage eloquence! |
30 | Plus ne t'en dis.– Et je m'en passeray.
– Dont vient ce mal?– Il vient de mon maleur.Quant Saturne me feist mon fardelet,Ces maulx y meist, je le croy.– C'est foleur:Son seigneur es, et te tiens son varlet. |
35 | Voy que Salmon escript en son rolet:«Homme sage, ce dit il, a puissanceSur planetes et sur leur influence.»– Je n'en croy riens; tel qu'ilz m'ont fait seray.– Que dis tu?– Dea! certes, c'est ma creance. |
40 | – Plus ne t'en dis.– Et je m'en passeray.
– Veulx tu vivre?– Dieu m'en doint la puissance!– Il te fault...– Quoy?– Remors de conscience,Lire sans fin.– En quoy?– Lire en science,Laisser les folz!– Bien j'y adviseray. |
45 | – Or le retien!– J'en ay bien souvenance.– N'aten pas tant que tourne a desplaisance.Plus ne t'en dis.– Et je m'en passeray. |