Vir nemoris

Liber II

___________________________________________________

nunc acies missae, nunc regia iussa tulere.

Tum quoque tale, dedit cum saepe, Liguria, foedus

410

auxiliare tibi dextramque tetendit amicam.

Quid memorem pactas ficta sub imagine pacis

indutias? Mediasque acies uelamine eodem

missas? Et nobis abstractos saepe triumphos

armaque, et ultoris totiens munimina belli?

[16]

415

Quid memorem infandas regis sub foedere caedes

mactatosque uades clam remigioque dicatos?

Pollutamque fidem sacramentoque tepentes

atque cruore simul dextras impune tyranni?

Hostes passa duos multosque agitata per annos

[123 ^r]

420

et lacerata sinum ciuili Corsica bello,

obruta funeribus patrioque in sanguine anhelat

iamque iterata cadunt passim molimina patrum

totque animae heroum iactu mactantur inani.

Letifer intus adest uermis, qui gramen edaci

425

dente nouum adrodit, secretas Gallica uenas

carpit editque lues corpusque putredine complet.

Inuidus heu! manibus tacitis oculoque maligno

sanguine nutritas heu! fascinat aduena plantas.

Vos uiduae, matres uos natorumque uirumque,

430

quos saepe hortatae ad bellum non amplius illos

amplexae reduces: qui saltem uulnere laesi,

saepe maritalem foedarunt sanguine lectum.

Hic fructu caedis fraudat fusique cruoris..

Quid, Riuarola, tibi ciuem praeferre parenti

435

profuit, ut binos astu dum uincula natos

et nex dira premunt, natorum oblitus amoris,

incumbis patriae officiis hostemque lacessis?

Quid tibi Gaffori? Virtute accensus eadem

ipsam marte premis, quae natum comprimit, arcem?

440

Quid prodesse patrum patriae tot funera possunt?

O uos, obscuri ceu maxima lumina Cyrni*),

――――――

123^r, 429 uidue V // 433 hic uersus lituratus et super lineam 429 adscriptus in T².

*) Cyrni ici ne peut être que la contraction de Cyrnei, sinon nous aurions obscurae.