Apologus de Rusticus et Hero

1625

Textus:

John Milton, Complete Poems and Major Prose

ed. Merritt Y. Hughes, New York: The Odyssey Press 1957

______________________________________________________________________________

Apologus de Rusticus et Hero

RUSTICUS ex Malo sapidissima poma quotannis

Legit, et urbano lecta dedit Domino:

Hic, incredibili fructus dulcedine Captus,

Malum ipsam in proprias transtulit areolas.

5

Hactenus illa ferax, sed longo debilis aevo,

Mota solo assueto, protinus aret iners.

Quod tandem ut patuit Domino, spe lusus inani,

Damnavit celeres in sua damna manus;

Atque ait, 'Heu quanto satius fuit illa Coloni,

10

Parva licet, grato dona tulisse animo!

Possem Ego avaritiam frenare, gulamque voracem:

Nunc periere mihi et foetus et ipsa parens.'