persona

Michael Abel, magister, poeta laureatus, circa annum 1542 in oppido Francofurto ad Viadrum (Frankfurt / Oder) in Germania sito natus est. ibi novem fere annos studiis in universitate Viadrina operam dabat. postquam longum tempus variis locis contendit, ut munere magistri victum quaereret, sub annum 1578 dignitatem poetae aulici ab imperatore Austriae Rudolpho II assecutus et anno 1582 poeta laureatus Vindobonae (Wien) coronatus est. anno post rector scholae latinae in oppido Giglavia (Iglau) factus est, sed propter amores triennium in carcere oppidi inclusus agebat. anno 1587 auctoritate imperatoris libertatem recuperavit. eodem anno Abel primum in aula Danica aliquod tempus moratus est, tum in oppidum patrium revertit, ubi ei rectoratus lycaei delatus est. quod munus usque ad annum 1594 obtinebat. tum propter amores Giglavianos ex oppido fugit et anno insequente ad eum tutandum, ut fertur, propalam declaratum est Abelum mortuum esse. sed e carminibus satis constat eum in Marca Nova (Neumark) complures annos vixisse. post annum 1609 obiit ignoto loco.

opera

Carminum libri quatuor (1590) >>> Digitalisatio (Camena)

Elegiarum libri II (1590) >>> Digitalisatio (Camena)

secundaria

Vita (Camena)

Vita (Wikipedia germanica)

Fontes