De amore coniugali

Liber II

_________________________________________________________

XIX.

Naenia duodecima

pater nato blanditur

Pupe meus, pupille meus, complectere matrem,

inque tuos propera, pupule care, sinus;

pupe bone, en cape, care, tuas, mi pupule, mammas,

pupule belle meus, bellule pupe meus;

5

suge; canam tibi naeniolam. Nae... Naenia nonne

nota tibi, nate, est naenia naeniola?

Pupe meus, pupille meus, nae... Naenia nonne

nota tibi, nate, est naenia naeniola?

Belle meus, mellite meus, nae... Naenia nonne

10

nota tibi, nate, est naenia naeniola?

Somniculus tibi jam lassis obrepit ocellis,

dum tibi, nate, placet naenia nota nimis.

Pupe meus, dormisce meus; nae... Naenia, nostro

da noctem nato, naenia, somniferam.