Carmina

____________________________________________________________

lxxiib

Puella in amatorem.

Noctu me queris: sed habet me nocte maritus

iura maritorum ledere crede nefas.

Ille diem patrio totam consumit in agro,

cur me nocte petis tempora lucis habens?

5

Forsitan et totus nudusque viderier horres

mi tenebrosa potest nulla placere Venus.

Quid prodest noctu formosas esse puellas?

Saepe fuit iuuenis credita turpis anus.

Ergo placere magis si vis mihi luce venito

10

nam mihi per tenebras gratia nulla tui est.