De diversis artibus libri III

Addenda

____________________________________________________________

[Caput VII.]

Si vis facere literas aureas vel argenteas

vel cupreas vel ereas aut ferreas.

ACCIPE limam et metallum illud et limando fac pulverem. Postea accipe gummam prunariam et pones eam in aceto, dimitte per diem et noctem et postea extrahe foras et mitte eam in aquam claram aliquantulum tepidam et ibi dimitte per diem et noctem. Postea accipe gummam et limaturam et mole super petram fortiter, et distempera cum aqua, in qua distemperatus est pulvis ille, tantum ut bene possis scribere. Si non habes gummam accipe moniacam et distempera cum aqua calida, in qua moniacam dimittes per medium diem. Postea distempera ut dictum est utrinque, et fac literas quas volueris. Quas utique siccatas polies leviter cum dente lupi vel canis, et hujusmodi aut cum lapide polito, vel adamantino.