De diversis artibus libri III

Liber primus

____________________________________________________________

Caput V.

De lumina prima.

POST haec misce cum simplici membrina cerosam tritam, et compone colorem, qui dicitur lumina, unde illuminabis supercilia, nasum in longitudine et super foramina narium ex utraque parte, subtiles tractus circa oculos et tempora inferius, et mentum superius, juxta nares et os ex utraque parte, frontem superius, inter rugas frontis modice, et collum in medio, et circa aures, ac articulos manuum et pedum exterius et omnem rotunditatem manuum, pedum et brachiorum in medio.