E p i g r a m m a t a

___________________________

Epigramma I

f.1v

. . . . . . . . . . . . . . . mirabilior famulatus,
(Magna mei) virtus dinoscitur esse per actus.
(Prohibeo) follis, ullum vel stigma sit oris,
(Cum fieret) tantus gelidus, dum flavero, ventus.


Epigramma II

(Quis levat) ardorem, vetat insudando fluorem
(Forti Die)tmaro, nimis hostibus eius amaro
(Dulcis rite) suis? dapibus cum deliciosis
(Hos fovet, ac) victu procurat eos et amictu,

5

(His donis) acuens hostes contra nimis enses.


Epigramma III

(Servio co)ttidie Dietmaro sat studiose
(Muscas t)errendo, culices, vespas abigendo.
(A se pro)que meo famulamine nil mage posco,
(Quam pos)t ut pulchre, decet utque, reserver honeste.


Epigramma IV

(Sum par) ostiolo binis effectibus uno;
(Nam puto)r oppositas visum depromere causas.


Epigramma V

f.34v

Si domina(m) sum(m)us nimiusve coegent (e)s(tu)s,
Exuat ut vestes, lassos ut frigeret artus,
Tu cape me, virgo, ventum stans assiduando.
Maxime quo sit opus, studeas miniteris ut ictus,

5

Ne noceat musca mordendo, culix neque vespa.


Epigramma VI

Has vini plenas tecum deferto lagenas
- Propter dulcorem, si malis, ferto medonem -:
Seu sis venatu seu sis alio comitatu,
Vim lenire sitis si vis, prandere valebis.

5

Ibis et ad curtem si forte potentis herilem,
Si pincerna libens tunc est tibi sepe propinans,
Quando domum remeas, forsan repleverit illas,
Caupone nummum cupide quod non dabis unum.


Epigramma VII

Hec pari- venatum -lia dum vadas vehe tecum.
Cum mitis inmitem cervus restinguet ad amnem.
Tu mitis extingue succensus litis ab igne,
Hoc quod veneris, ut eo citius domineris.

5

Et si vectabis - quid obest quocumque meabis -,
Prandens in pratis, quod potes est tibi gratis.
Quin ad mercipolim venies si nummivoracem,
Nil das caupone, quod trudat in ima crumene.


Epigramma VIII

Qui totefilatas ocreas desideret istas,
Numquam vendendos melius denos dato nummos.


Epigramma IX

O vassalle bone, tibi quam bene congruo crure!
Hinc operatori dato quod tibi vel placet illi.


Epigramma X

Militis ad gambas operati nos sumus ambas,
Algor ut inmensus non se ledat neque ventus.


Epigramma XI

Tubalcain invenit cytharam et organa,
Pithagoras testudinem, id est harpam,
David psalterium triangulum, id est rottam,
Boetius monochordum.

5

En isti, quales repererunt sensibus artes
Ad consolandos in curis mestificatos.
Quiddam celeste nam quevis continet in se;
Leniri diras (h)is scimus demonis iras.