Vita Sancti Cuthberti

(metrica)

___________________________________________________

Oratio Bedae beati presbyteri.

Haec tibi, cunctorum largitor, Christe, bonorum,

Dona tui obtulimus summo de munere doni

Magnaque praemodicis libantes gaudia dictis

Sanctorum attigimus certamina celsa tuorum,

5

Sperantes, illis exoratoribus ut tu,

Sidereo dignos qui iustus in axe coronas,

Indignis mitis laxes vel debita nobis.

Ultima sufficiunt illius in aedibus aulae

Praemia, qua cunctos tua visio, Christe, beabit,

10

Vita manens castis, lumenque salusque per aevum.