Vita Sancti Cuthberti

(metrica)

___________________________________________________

XXIII.

Uxorem comitis per presbyterum

suum aqua benedicta sanavit.

Doctor ubique pius caelestia dona ministrans,

Per comitis tulit arva gradus, quem languida coniunx

Tristabat perpessa luem loetoque propinquans.

Alma salutiferae cui vatis munera limphae

5

Presbytero famulante dedit tabemque removit,

Moxque illi obsequium praebebat femina sospes.