Epitaphium Sidonii

Textus et imagines:

ex pagina «Sidonius Apollinaris»

(Joop van Waarden, University of Amsterdam)

____________________________________________________________

Sanctis contiguus sacroque patri

vivit sic meritis Apollinaris,

inlustris titulis, potens honore,

rector militiae forique iudex,

mundi inter tumidas quietus undas,

causarum moderans subinde motus

leges barbarico dedit furori;

discordantibus inter arma regnis

pacem consilio reduxit amplo.

Haec inter tamen et facundus ore

libris excoluit vitam parentis

et post talia dona Gratiarum

summi pontificis sedens cathedram

mundanos suboli refundit actus.

Quisque hic dum lacrimis deum rogabis,

dextrum funde preces super sepulcrum:

nulli incognitus et legendus orbi

illic Sidonius tibi invocetur.

Duodecimo Kalendas Septembris Zenone consule.

Epitaphium Sidonii (Codex C Matritensis 9448, saec. X/XI)