B  I  B  L  I  O  T  H  E  C  A    A  U  G  U  S  T  A  N  A
           
  Testamentum porcelli
ca. 350 p. Chr. n. 		     
   


T e s t a m e n t u m   p o r c e l l i

Textus:
Testamentum porcelli
in: Petronii opera
ed. F. Bücheler, Berlin 1922, p. 268 sq.

________________________________________________


[p. 268]
      Hieronymos in praefatione libri XII commentariorum in Isaiam p. 493 Vall.: nullus tam imperitus scriptor est qui lectorem non inveniat similem sui, multoque pars maior est Milesias fabellas revolventium quam Platonis libros. in altero enim ludus et oblectatio est, in altero difficultas et sudor mixtus labori. denique Timaeum de mundi harmonia astrorumque cursu et numeris disputantem ipse qui interpretatus est Tullius se non intellegere confitetur, testamentum autem Grunnii Corocottae porcelli decantant in scholis puerorum agmina cachinnantium.
      idem contra Rufinum I, 17 p. 473: quasi non cirratorum turba Milesiarum in scholis figmenta decantet et testamentum suis Bessorum cachinno membra concutiat atque inter scurrarum epulas nugae istius modi frequententur.

____________



Incipit testamentum porcelli. |

M. Grunnius Corocotta porcellus testamentum fecit. Quon-|iam manu mea scribere non potui, scribendum dictavi. |

      Magirus cocus dixit:
«Veni huc, eversor domi, solivertiator, [5] fugitive porcelle, et hodie tibi dirimo vitam».
      Corocotta por-|cellus dixit:
«Si qua feci, si qua peccavi, si qua vascella pedibus | meis confregi, rogo, domine coce, vitam peto, concede roganti». |
      Magirus cocus dixit:
«Transi, puer, affer mihi de cocina cultrum, | ut hunc porcellum faciam cruentum».

Porcellus comprehenditur [10] a famulis, ductus sub die XVI Kal. Lucerninas, ubi abundant cymae, Clibanato et Piperato consulibus. Et ut vidit se mori-|turum esse, horae spatium petiit et cocum rogavit, ut testa-|mentum facere posset. Clamavit ad se suos parentes, ut de | cibariis suis aliquid dimitteret eis. Qui ait:

[p. 269]
«Patri meo Verrino Lardino do lego dari glandis modios | XXX, et matri meae Veturinae scrofae do lego dari Laconicae | siliginis modios XL, et sorori meae Quirinae, in cuius votum | interesse non potui, do lego dari hordei modios XXX. Et de [5] meis visceribus dabo donabo sutoribus saetas, rixoribus capitinas, | surdis auriculas, causidicis et verbosis linguam, bubulariis in-|testina, isiciariis femora, mulieribus lumbulos, pueris vesicam, | puellis caudam, cinaedis musculos, cursoribus et venatoribus | talos, latronibus ungulas. Et nec nominando coco legato di-[10]mitto popiam et pistillum, quae mecum attuleram: de Thebeste | usque ad Tergeste liget sibi collum de reste. Et volo mihi | fieri monumentum ex litteris aureis scriptum:

      M. Grunnius | Corocotta porcellus
      vixit annis DCCCC . XC . VIIII . S .
      Quod | si semis vixisset,
      mille annos implesset.

Optimi amatores mei [15] vel consules vitae, rogo vos ut cum corpore meo bene faciatis, | bene condiatis de bonis condimentis nuclei, piperis et mellis, | ut nomen meum in sempiternum nominetur. Mei domini vel | consobrini mei, qui testamento meo interfuistis, iubete signari». |

      Lardio signavit.
      Ofellicus signavit.
      Cyminatus signavit. [20]
      Lucanicus signavit.
      Tergillus signavit.
      Celsinus signavit.
      Nupti-|alicus signavit. |

Explicit testamentum porcelli sub die XVI Kal. Lucerninas |
Clibanato et Piperato consulibus feliciter.

___________

[p. 268]

Praeter libros quibus Haupt usus est cum testamentum hoc emendaret et enarraret (ind. lect. Berol. 1860 = opp. II, 175 ss.), inter quos P scheda Parisina scripta fertur saeculo IX, collatos habui ab Holdero codices B Bruxellensem 5503 saec. XI et H Haganum 154 i saec. XII, ab Heylbutio et Ihmio codices V Palatinum Vaticanum lat. 57 saec. IX vel X et R Reginensem 980 saec. X vel XI, Danielis schedam Bernensem D contulit Hagen Philologi vol. 31 p.182. discrepantes scripturas adposui selectas, communes omnium nulla nota distinxi.

2 feci quia manu V || 4 domus DH | soli vertor V versiator soli H || 5 en hodie V || 8 coquina DRV || 13 vocavit ad se H

[p. 269]

1 delego (lego B) | glandinis DH et ut videtur R, cf. arch. Wölffl. 15, 548 || 2 delego || 4 delego (lego B). desunt haec in P || 5 dabo et donabo P | rixatoribus Brassicanus, risoribus Leo || 6 botulariis Haupt || 7 esiciariis plerique: isic. H || 8 et om. B || 9 legato om. HV || popia ζωμήρυσις CGIL. III, 366, 30 | abstuleram DR dederam B | a thebeste V et in quo ut in ceteris tebeste B || 11 Thergeste Haupt: terreste H terrestre ceteri | liget cet.] cf. CEL. 95, 3 | collo P || 12 ex literis aureis PV: aureis litteris BH litteris aureis DR || 13 annis HP: annos BDRV | et semis PV | 13 s. qui si P quia si V: quod si ceteri || 14 semissem H || 15 vivite V || 17 in aeternum V, at v. Petr. 45, 6 | modo domini mei B | vel] et DV || 18 testamento meo V: meo testamento BDR in medio testamento HP in meo testamento Her. cf. supra v 3 et Gesta de aperiundo testamento a. 474 in Brunsii font. iuris rom. p. 302/5 || 20 tergillus sig. celsanus sig. post Nuptialicum in fine conlocat V | Celsinus BR: Celsanus ceteri, deest hoc et Tergilli nomen in H. fortasse Celsinianus (Apici VIII 382) || 22 testamentum m. p. sub B. omissa haec in H omnia, in R nomina consulum, in V feliciter)