| |
|
-
- F a b u l a r u m l i b e r
XLII
De lupo et haedo
- _______________________________________________
- Forte lupum melior cursu deluserat haedus,
proxima vicinis dum petit arva casis.
inde fugam recto tendens in moenia cursu
inter lanigeros astitit ille greges.
- 5
- impiger hunc raptor mediamque secutus in urbem,
temptat compositis sollicitare dolis:
«nonne vides» inquit «cunctis ut victima templis,
immitem regemens morte cruentet humum?»
quod nisi securo valeas te reddere campo,
- 10
- ei mihi vittata tu quoque fronte cades.
ille refert: «modo quam metuis, precor, exue curam,
et tecum viles, improbe, tolle minas.»
nam sat erit sacrum divis fudisse cruorem,
quam rabido fauces exsaturare lupo.
- 15
- sic quotiens duplici subeuntur tristia casu,
expedit insignem promeruisse necem.
|
|