| |
|
-
- F a b u l a r u m l i b e r
XXVII
De cornice et urna
- _______________________________________________
- Ingentem sitiens cornix adspexerat urnam,
quae minimam fundo continuisset aquam.
hanc enisa diu planis effundere campis,
scilicet ut nimiam pelleret inde sitim,
- 5
- postquam nulla viam virtus dedit, admovet omnes
indignata nova calliditate dolos.
nam brevis immersis accrescens sponte lapillis
potandi facilem praebuit unda viam.
viribus haec docuit quam sit prudentia maior,
- 10
- qua coeptum volucris explicuisset opus.
|
|