| |
|
-
- F a b u l a r u m l i b e r
XV
De grue et pavone
- _______________________________________________
- Threiciam volucrem fertur Iunonius ales
communi sociam conteruisse cibo,
namque inter varias fuerat discordia formas,
magnaque de facili iurgia lite trahunt,
- 5
- quod sibi multimodo fulgerent membra decore,
caeruleam facerent livida terga gruem;
et simul erectae circumdans agmina caudae,
sparserat arcatum sursus in astra iubar.
illa licet nullo pennarum certet honore,
- 10
- his tamen insultans vocibus usa datur:
«quamvis innumerus plumas variaverit ordo,
mersus humi semper florida terga geris:
ast ego deformi sublimis in aera penna,
proxima sideribus numinibusque feror.»
|
|