De viris illustribus

De poetis (fragmenta)

Textus I:

Suetoni praeter Caesarum libros reliquae

ed. A. Reifferscheid, Leipzig 1860

Textus II:

Suetonio, De poetis e biografi minori.

Restituzione e commento di Augusto Rostagni,

Torino 1944/56

________________________________________________________________

XIV

T. Lucretius Carus

I

Titus Lucretius poeta nascitur († a. 659): qui postea amatorio poculo in furorem uersus cum aliquot libros per interualla insaniae conscribsisset, quos postea Cicero emendauit, propria se manu interfecit anno aetatis XLIIII.

II

T. Lucretius Carus nascitur Licinio Crasso oratore et Q. Mutio et Q. Mutio Scaevola pont. consulibus, quo anno Q. Hortensius orator in foro quom diceret non parvam eloquentiae gloriam est auspicatus.

Vixit annos IV et XL, et noxio tandem improbae feminae poculo in furias actus sibi necem conscivit reste gulam frangens vel, ut alii opinantur, gladio incubuit.

Cum T. Pomponio Attico, Cicerone, M. Bruto et C. Cassio coniunctissime vixit.

Ciceroni vero recentia ostendebat carmina, eius limam secutus; a quo inter legendum aliquando admonitus, ut in translationibus servaret verecundiam, ex quibus duo potissimum loci referuntur, «Neptuni lacunas» et «coeli cavernas».

C. Memmio Epicureo dictavit opus.