Carminum liber primus

Carmen XX

___________________________________________________

Metrum:

Sapphicum

Vile potabis modicis Sabinum

cantharis, Graeca quod ego ipse testa

conditum levi, datus in theatro

cum tibi plausus,

5

clare Maecenas eques, ut paterni

fluminis ripae simul et iocosa

redderet laudes tibi Vaticani

montis imago.

Caecubum et prelo domitam Caleno

10

tu bibes uvam: mea nec Falernae

temperant vites neque Formiani

pocula colles.