BIBLIOTHECA AUGUSTANA

 

Guido Aretinus

ca. 990 - 1050

 

Micrologus

 

1025

 

________________________________________________________________

 

 

 

Capitulum I.

Quid faciat qui se ad disciplinam musicae artis parat?

 

Igitur qui nostram disciplinam petit, aliquantos cantus nostris notis descriptos addiscat, in monochordi usu manum exerceat, hasque regulas saepe meditetur, donec, vi et natura vocum cognita, ignotos ut notos cantus suaviter canat. sed quia voces, quae huius artis prima sunt fundamenta, in monochordo melius intuemur, quomodo eas ibidem ars naturam imitata discrevit, primitus videamus.